ХVI Гарадзенскія навуковыя чытанні “Скарбы гарадзенскіх калекцый”

Добры дзень паважаныя краязнаўцы і калекцыянеры. Гродзенская абласная навуковая бібліятэка імя Я.Ф. Карскага запрашае 30 верасня 2021 года прыняць удзел у XVI Гарадзенскіх навуковых чытаннях “Скарбы гарадзенскіх калекцый”.

Інфармацыйнае пісьмо

30 верасня 2021 года ў ДУК “Гродзенская абласная навуковая бібліятэка імя Я.Ф. Карскага” адбудуцца ХVI Гарадзенскія навуковыя чытанні “Скарбы гарадзенскіх калекцый” (далей – Чытанні).

Арганізатары:

упраўленне культуры Гродзенскага абласнога выканаўчага камітэта;

ДУК “Гродзенская абласная навуковая бібліятэка імя  Я.Ф. Карскага”.

Месца правядзення:

ДУК “Гродзенская абласная навуковая бібліятэка імя Я.Ф. Карскага”, Рэспубліка Беларусь, г. Гродна, вул. Карбышава, 17.

Тэмы для абмеркавання:

• прававыя аспекты калекцыяніравання ў Рэспубліцы Беларусь;
• калекцыя як адлюстраванне рэгіянальных асаблівасцей краю;
• гісторыя, метады збору і захоўвання калекцый;
• даследаванне калекцый твораў мастацтва, друкаваных выданняў, зброі, манет і інш. прадметаў на Гродзеншчыне;
• кніжныя знакі ў калекцыях прыватных бібліятэк;
• дзейнасць замежных і айчынных калекцыянераў, заснавальнікаў бібліятэк, музеяў, архіваў, мастацкіх майстэрняў.

Рабочыя мовы:

беларуская, руская.

 Умовы ўдзелу:

да ўдзелу ў Чытаннях запрашаюцца прадстаўнікі дзяржаўных органаў кіравання, мытні, навукоўцы, краязнаўцы, калекцыянеры, супрацоўнікі бібліятэк, музеяў, архіваў, грамадска-культурных аб’яднанняў, прадстаўнікі сродкаў масавай інфармацыі і інш.

Пражыванне, харчаванне, транспартныя расходы – за кошт удзельнікаў Чытанняў.

Для ўдзелу ў мерапрыемстве неабходна да 10 верасня 2021 г. даслаць заяўку згодна з Дадаткам 1 і назву даклада, а да 20 верасня 2021 г. – тэкст даклада. Матэрыялы высылаць на электронную пошту Адрес электронной почты защищен от спам-ботов. Для просмотра адреса в вашем браузере должен быть включен Javascript. ці info@grodnolib.by.

Дакладны час правядзення Чытанняў будзе ўказаны ў запрашэнні.

Пры складаных эпідэміялагічных абставінах Чытанні адбудуцца ў рэжыме on-line.

Рэгламент:

 даклады – да 15 хвілін.

Патрабаванні да афармлення даклада:

прымаюцца арыгінальныя работы, якія маюць навуковае і практычнае значэнне. Матэрыялы плануецца апублікаваць да пачатку работы Чытанняў. Аргкамітэт пакідае за сабой права адбору дакладаў на Чытанні і матэрыялаў для ўключэння ў электронны зборнік.

Назва даклада; прозвішча, імя, імя па бацьку (цалкам) аўтара/сааўтараў, поўная назва арганізацыі, горад, краіна; прозвішча, імя, імя па бацьку (цалкам) асобы, якая будзе прадстаўляць даклад на Чытаннях; кантактныя дадзеныя (адрас і тэлефон).

Даклад і рэзюмэ падаюцца на адной з моў (беларускай, рускай). Аб’ём даклада (разам з рэзюмэ, ілюстрацыямі і дадаткамі) – не больш за 6 старонак фармату А4, Times New Roman, 13 кегель, палутарны міжрадковы інтэрвал, тып файла – doc альбо rtf (Microsoft Word); рэзюмэ на мове даклада – не больш за 700 сімвалаў (з прабеламі), на рускай мове – не больш за 500 сімвалаў (з прабеламі).

Спіс выкарыстаных крыніц афармляецца пасля асноўнага тэксту ў алфавітным парадку, спасылкі – у канцы сказа ў квадратных дужках, напрыклад: [2, с. 27].

Патрабаванні да электронных прэзентацый:

электронная прэзентацыя павінна быць выканана ў фармаце ppt Microsoft PowerPoint.

Прадастаўленне дакладаў:

файл з тэкстамі даклада неабходна выслаць па электроннай пошце Адрес электронной почты защищен от спам-ботов. Для просмотра адреса в вашем браузере должен быть включен Javascript. не пазней за 20 верасня 2021 г.

Кантакты каардынатараў:

Давыдзік Надзея Сяргееўна, намеснік дырэктара

Тэлефон: 8 (0152)71 89 42

Факс: 8(0152)71 89 48

Е-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.

Кучынская Алена Віктараўна, загадчык аддзела краязнаўства

Тэлефон: 8 (0152)71 89 54

Е-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.

Дадатак 1

Заяўка

для ўдзелу ў ХVI Гарадзенскіх навуковых чытаннях “Скарбы гарадзенскіх калекцый”

30 верасня 2021 г., Рэспубліка Беларусь, г. Гродна